Sukanya Samriddhi Yojana ke liye ICICI bank apna young stars saving account open karwane ke liye force karta h

Hello guys aaj m aapko Sukanya Samriddhi Yojana ke bare me btata hu ki use aap kisi bhi private bank me bhi open karwa sakte h, jaruri nhi ki wo post office me hi open karaye. Ye yojana aapki beti ke liye sabse best saving scene hoti h jise aap use uske janam se lekar 10 years ki age tak kabhi bhi khulwa sakte h. M to ye kahunga ki aap use tab khulwaye jab uska birth certificate or aadhar card do ban jaye.

Meri beti 3 saal ki ho gyi aur uske required document m banwa chuka hu, to m apne bank jisme mera account h ICICI wha gya parso aur unse ek SSY account ( Sukanya Samriddhi Yojana) open krne ko bola to unhone kaha ki aapko pahle ek minor saving account as named Youngstar account open karwana padenga apni beti ka tabhi ham SSY open karenge. Maine unse bahut bola ki m sabhi jagah research karke aur achche se check krke aaya hu ki sirf same guardian account hona chahiye bank me jis bank me aap SSY open karwana chahate ho. But unhone bole hamare 3-4 mahine pahale hi email aaya h ki pahle aapko ek minor saving account t open karwana padenga, tabhi SSY khul sakta h.

maine tabhi office jak ICICI customer care me call Kiya, to unhone mujhe aisa kuch nhi btaya ki minor account open karwana mandatory hota h, even unhone to is bank ka IFSC code manga aur unke branch manager ko line pe le liya. Ye ICICI Bank ki Bhiwadi ke main Alwar bypass, Bhagat Singh colony wali branch h, jiska IFSC code ICIC0003494 h.

Branch manager ne mujhe kaha ki koi baat nhi hum aapka account open kar denge, hum aapko. All karenge shyam ko. Jab shyam tak call nhi aaya to m agle din branch gya aur waha ke staff ko account open krne ke liye bola. To unhone tabhi kisi other support number pe technical team ko call krke mujhe ye btaya ki hamare manager ko nhi pata rahta operations ke baro me, un customer care walo aur hamare manager tak sayad ye updated circular nhi pahucha hoga.

Ye sab sunke bada hi wired laga, ek bada private bank ke log kis tarah se kaam krte h. Tabhi usi din m SBI Bank gya, unhone mujhse kaha ki bas jinka aapko SSY open Krna, unke guardian ka ek account hona chahiye same bank me, that's it, account open ho jayenga. Ye Bhiwadi Alwar bypass wale SBI bank me 2 baar ja chuka hu, queries kar chuka hu, mujhe unka behaviour bahut hi achcha lga, na ki jaisa SBI ke staff ke bare me bola jata h online.

Vodaphone me port krane par company de rhi h helmet, phone, trimmer jaise gifts

Vodaphone wale leke aaye h promotion ka nya tarika, ki ab wo gaanv gaanv jake offer dete h ki vodaphone me port krao free me aur pao free gifts like helmet, samsung guru phone, trimmer, speaker etc. 

Ye meri beti baithi hui h inki table par samne. Sunday wale din dekha ki ghar ke bahar vodaphone walo ne ek camp type me lgaya hua h aur samne ek table rakh ke us par bahut sare gift bhi rakhe hue h. Hum niche gye aur dekha ki ye log to vodaphone me port krane par free me gift de rhe h.

Agar aap ye Samsung wala Guru phone lete ho to aapko 200 rupees alag se Dene honge, otherwise port krane par koi bhi ek gift aap apni pasand ka le sakte ho. Inhone syham tak ye camp lgaye rakha aur bahut logo ko convince krke unki sim ko VI me port karwa diya.

Agar aap mujhe puchho to m kahunga ki Vodaphone me port krane se koi bhi benefit nhi h, ek to inke network kam aate h, upar se ye koi AI protection for spam calls ke liye provide nhi krte like Airtel krta h. Agar aap Vodaphone se call krte ho as compared to other sim, isse call thodi jyada der me connect hoti h. M vodaphone ka last 10+ year se cosistent user bhi hu, to mujhe pta h ki ab is company waisi services nhi h jaise ki pahle 2014 or 2015 me hoti thi. Ha par ye h ab inka monthly basic recharge sabhi dusri companies se kam h jo h 189 ka, jabki wahi Airtel or Jio ka 200+ h. M vodaphone ko sirf isiliye use krta hu ki wo mere main number h aur m tab starting se vodaphone hi use krta tha. Ab inka customer base bahut kam ho gya h, to ye aise offer dete h rural areas me Jake apne users badhane ke liye.

Bhiwadi Alwar bypass par bani Nexa wali building ke samne wali road ka hua bura haal

Hello friends ye h current situation main Alwar Bhiwadi bypass ki, ye jo samne dekh rhe h use m nexa building bolta hu. Ye bilkul main Alwar bypass ke t-point par h, aur iske samne aap pani dekh rhe ho, iski wajah se is building ki main entrance kahi se dikhti hi nhi h.

3 saal ho gye jab se haryana walo ne slope banakar bhiwadi se aane wale pani ko roka h, tab se yahi haal h. Pura Alwar bypass pani me duba rahta h almost all the time of year aur barish ke mausam me to pucho hi mat..yha pe tractor chalane padte h logo ko road cross krane me aur kisi building tak pahuchane ke liye.

Jab BJP ki govt bani to logo ko lga ki ab baba balaknath kar denge is problem ka solution, koi solution to hua nhi bas pareshaniya hi badh rhi h. Ab is nexa wali building ko hi dekho, jiske samne wali Puri road pani me dubi hui h, to iske andar hone wali business transactions or iski market value ka kya haal ho rha hoga.

Khushkhera Shani mandir ke pass gande pani ki samsya ka koi solution nhi, paidal walo ke liye to koi rasta hi nhi road cross krne ka

Hello guys. Ye post h Khushkhera ke shani madir ke pass ho road pe RIICO industrial waste pani jama hota h uske bare me. Ye kitni purani samasya h chali aa rhi h..kitni baar to yha road bna liya phir bhi logo ko is is problem ka koi solution hi ni Mila. Aur sabse jyada problem to yha paidal Jane walo ko h wo kaise road cross karenge.

Ye dekho kaise pani aa rha h overflow hoke aur road par bah rha h. Kahi se bhi paidal Jane walo ke liye rasta nhi h. Aur yha abhi yha ek saal pahle hi ye cemented road crossing bnai h..lekin iska bhi koi phayada nhi h. RIICO kya maintain krti h industrial area ko jo logo ko itni pareshani hoti h. Aur yha baitha hua aadmi dekh rhe ho ye yha pe ek pagdandi bna rha h taki log road cross kr sake.

Ye pura Pani aage kheto me jata h jisse wo khet ki phasle to kharab hoti h aur un kheto me paida hone wali phaslo se cancer jaise khatarnak bemari bhi ho sakti h. Itna tax, maintenance charge kis cheez ka leti h RIICO. Aur na hi yha ke local authorities kuch karti h. Is pani ke wajah se itni gandi badboo aati h ki aas pass ke gaono me bhi asar padta h. Bemario wale machchhr aur keede paida hote h.

Aur jha ye pani bharta h waha pe kuch companies bhi h jinpar iska kitna bad impact padta h unke business, transport aur land value par.  Pta nhi kab iska solution hoga.

Bhiwadi ke Vishal mega mart me cashier ka staff ko customer ke samne gali dena

Hello guys ye post Bhiwadi based Vishal Mega Mart ke mere recent experience ke bare me. Waise to yha pe staff ka behaviour or cashiers ka attitude mujhe bahut hi bura lagta h...agr aap kisi section me koi kapde dekh rhe h aur sizes ke confusion ko leke ek do articles jyada nikal lo aur aas paas unka staff ho to wo rudely aapko aake bolnge ki mujhe btado na..main nikal dunga. Sare kyu kharab kar rhe ho..unki tone bahut hi unprofessional aur rude lagti h..agar salesmen hi aise baat karenge to sales kaise hogi...

Abhi recently m waha gya aur billing kra rha tha..to wha pe ek unka staff kuch inventory leke aata h aur cashier ke pass wale section me rakh deta h..tabhi ek dum se wo cashier usko dhamka lne lag jata h aur gali deta h literally mere samne, matlab aap apne hi customer ke samne apne hi colleague ko gali dete ho to kya impact dalta h Vishal Mega Mart brand ki reputation par. Kya waha ke manager aur supervisor aise hi train krte h apne staff ko.

M ek incident aur btaat hu jo about 1-2 mahine purana h. Waha pe ek bags ka section h aur uske pass ek toys ka section h to m waha kuch toys dekh rha tha apni beti ke liye tabhi meri nazar bags wale section me padi jaha pe ek male staff, ek female staff ke upar leta hua tha..that was not okay for such family mart.

Aur wha staff ka aapas me aise tez tez baat karna jab customer waha shopping krte rahte h, apni local language me idhar udhar ke apni personal baate Krna to aam si baat ho gyi Bhiwadi ke Vishal Mega Mart me. Really company ko kuch strict actions lene chaiye taki Mart ka ek decoram bana rahe aur customers ka shopping experience great ho.

Bhiwadi me road reflective sign board ka use political promotion ke liye hona

Hello guys mera naam Ajay yadav h aur is blog ko hi manage krta hu. Is blog pe aaj m first post daal rha hu, jo h bhiwadi me aashiana aangan society ke samne lage highway sign board ke bare me...

Ye board NHAI lgati h highways pe jo aage ane wali destinations aur cities ke navigation sign aur distance ke bare btati h. Ise kahte kya h mujhe iske naam ke bare me to nhi pata, but jo road ke dono ways ke end se start hokar beech me milta h ucha sa retro reflective sign board kahte h sayad.

Is image ko dekh kar samjh hi gye honge aap. Ye aangan society ke samne lga hua h. Jha par sirf Bhiwadi ki local politics ke candidate apne pro option aur greeting ke liye hi use ho rha h. Aur dono side me sirf promotional posters hi Lage hue h. To kya NHAI ko ye hta dena chaiye aur jo is board ka purpose h usi cause me iska use Krna chahiye. Is ke liye kiski responsibility hoti h, jo ise mange kare mujhe bhi iske bare me bhi pta but it should be fixed.